He kupa ʻo Nicholas Kealiʻi Lum no Haʻikū, Heʻeia, Koʻolaupoko, Oʻahu. Koʻikoʻi iā ia ka hoʻōla mau ʻana i ka ʻōlelo Hawaiʻi a me ke mele Hawaiʻi. Ua puka ʻo ia mai ke kula kiʻekiʻe ʻo Kamehameha ma Kapālama a hoʻomau akula i kona hoʻonaʻauao ʻia ʻana ma ke Kulanui o Hawaiʻi ma Mānoa. Ma laila i kō ai iā ia nā kēkelē laepua ma ka ʻōlelo Hawaiʻi a me ke mele a kō ai hoʻi ke kēkelē laeoʻo ma ka ʻōlelo Hawaiʻi. I kēia wā nei, he haumāna laeʻula ʻo ia ma Ka Haka ʻUla o Keʻelikōlani ma ke Kulanui o Hawaiʻi ma Hilo. Ma waho aku o ke ao hoʻonaʻauao, he ʻōlapa a he hoʻopaʻa ʻo Lum ma ka hālau hula ʻo Hālau nā Kamalei o Līlīlehua ma lalo o Robert Uluwehionāpuaikawēkiuokalani Cazimero. He puʻukani nō hoʻi ʻo ia ma ka hui hīmeni ʻo Keauhou. Hana ʻo ia ma ke keʻena Kaiapuni Assessment of Educational Outcomes (KĀʻEO), kahi e haku ʻia ai nā hōʻike kūmau no nā kula kaiapuni o Hawaiʻi nei.

A kupa of Haʻikū, Heʻeia, Koʻolaupoko, Oʻahu, Nicholas Kealiʻi Lum is dedicated to the survival and resiliency of ʻōlelo Hawaiʻi and mele Hawaiʻi. He is a graduate of the Kamehameha Schools Kapālama and furthered his education at the University of Hawaiʻi at Mānoa where he attained concurrent bachelor of arts degrees in music and Hawaiian as well as a master’s degree in Hawaiian. He is currently a doctoral candidate at Ka Haka ʻUla o Keʻelikōlani at the University of Hawaiʻi at Hilo. Outside of education, Nicholas is a graduated ʻōlapa and hoʻopaʻa of Hālau nā Kamalei o Līlīlehua under the direction of Robert Uluwehionāpuaikawēkiuokalani Cazimero as well as a member of the multi-award winning traditional Hawaiian music group Keauhou. He works with the Kaiapuni Assessment of Educational Outcomes (KĀʻEO) team where he aids in the development of standardized assessments for the Hawaiian immersion school system.